كم احزنني الفراق ... لكن التواصل موجود

[bsmt.amal]

السلام عليكم ورحمة الله وبركاته

قبل كل شي اشتقت لكم ولكل ركن في ولنجتون اللي زينتوها بوجودكم ...

تجمعاتكم في ستار بكس <<<<< من اشد اعدائي ...

طلعاتكم للرحلات والوناسه في البريك تايم ... >>>> هي تتدلع وتسافر لامها هههههه

جدكم واجتهادكم في ال اي بي بي ... <<<<< برنامج اللغة الممتاز !!!!!!!!!!

قعداتنا في البريك عشان نشرب كوفي ... طبعا في الكوفي شوبي اللي جهزته لكم ..

جمعاتكم في العيد ومسابقة أفضل طبق حلى <<<<< واللي فزت فيه بلا منازع ...

الله يذكرك بالخير يا حسن اليماني لما دخلت التحدي وياي .......

..............................................

ما اقدر انسى من وقف وياي وساندني وكان بمثابة الاخوه لي في غربتي

اولهم حمد . عمدة كوروري.. اللي من وصلت ولنجتون وهو مب مقصر وياي <<<<< بحكم الجيره في كوروري

شباب معهد كامبل اللي ظلوا في نيوزلندا واللي رجعوا السعوديه ومنهم اخوي حبيب الله يعطيه العافيه

اخواني في الاي بي بي والجامعه بلا استثنااااااااااااااااااااااء ...
ياسر الغامدي
عدنان
بو لجين
مجتبي ....>>> تم التعديل اسفه اخوي مجتبي ... توني اعرف اسمك كيف ينكتب شكرا اخوي حساس على التنبيه
سلطان
فهد
ابراهيم
توفيق
وسام واخوه
عمراااااااااااان <<<< أخوي عزوز هههههههه
حسن اليماني
عبدالله الصالح
يوسف
ممدوح <<<<< الشقييييييي الله يحفظك
عيد
عبدالرحمن الحازمي
عبدالرحمن الثاني هههههه
مازن
هشام
وليد
مهند
سليمان
عبدالله
ابو معاذ
خالد
فايز
حسين
احمد
فؤاد
سالم
سيف العماني
احمد البلوشي
حتى بدر صح انه ولد بلادي واشوفه لما يرجع الامارات بس بعد لي ذكريات وياه هناك ما اقدر انساها
و
و
و
و ........... السموحه للي ما ذكرت اسمائهم تراهم على البال والله

كل من عرفني وعرفته فعلاااا له ذكرى خاااصه عندي


ذكريات حلوه جمعتني وياكم ...

وعلاقة طيبه ظلت في قلبي لكم ...

حز علي فراقكم اللي كان خارج عن ارادتي ...

وظليت اترقب اللحظه اللي اقدر ارجع فيها زياره عشان اشوفكم ...

احاول اعرف اخباركم كل فتره ...

والكل مب مقصر بتواصله وياي ...

اتمنى تكون لي ذكرى طيبه في ذاكرتكم ...

وتاكدوا اني فعلااااااا فقدت اعز اخوه وخوات في نيوزلندا ..

.................................................. .

فرحت لما سمعت عن منتداكم ولقيتها فرصه اتواصل من خلاله وياكم
واكون لكم اخت في الامارات اذا اقدر اساعدكم باي شي بس تامروني فيه
وبامر الله اقدر اشوفكم مره ثانيه في اقرب فرصه
صح ان الاغلبيه غير البلد والا الجامعه واللي رجع السعوديه بس بتظل معزتكم وغلاتكم عندي كبيره .
في كل لحظه احس اني فعلا افتقدكم

لكن ما اقول غير قدر الله وماشاء فعل ... وحسبي الله ونعم الوكيل فيهم وفي نظامهم ...

.................................................. ...

دعوة من كل قلبي للجميع ...

الله يوفقكم وييسر اموركم وبامر الله اشوفكم من كبار الشخصيات كل واحد في بلده بشهادته واخلاقه وعلمه
واتمنى اني اشوفكم في اقرب فرصه حتى لو نزلتوا زيارة للامارات تاكدوا ان لكم اخت هنا بتفرح بشوفتكم

تقبلوا تحياتي وتقبلوني عضوه ما بينكم في ها المنتدى ويكون بمثابة جسر التواصل ما بينا الى ما شاء الله :)

اختكم بنت الامارات ... هند البدواوي ....

[ابو صهيب]

السلام عليكم

والله ابرك الساعات اختي هند ويعلم الله قد ايه فقدناكي فيما بيننا

لكن نقول الحمدلله ربي يرزق الانسان بأخوان و أخوات في الغربه وصدقيني انتي كنتي اول اخت لي في ولنجتون

وجدنا فيكي القلب الحنون و ...الخ <<< ما يعرف يعبر

اهم شئ اتطمنا عليكي ونتمنى من المولى ان يجمعنا في فسيح جنانه

ودمتي بود

أخوكي عدنان ( ابو صهيب)

[bsmt.amal]

الله يعطيك العافيه اخوي ...
والنعم فيك كنت من اعز اخواني الشاهد الله
كان بودي اشوف صهيب لما انولد لاني كنت انتظر ولادته بفارغ الصبر بس قدر الله وما شاء فعل
وبامر الله نتلاقى على خير ... :)
واموري بفضل من الله بخير
بس عديت التحطيم النفسي اللي تسببت فيه نيوزلندا لي
والحمد الله كل شي تيسر :)

[ياسر الغامدي]

مرحبا الساع

والله ياهند زي ماقال أبو صهيب الجميع افتقد أخصائيتنا النفسية وأختنا الكبيرة اللي كنا نلجأ لها بعد المولى

وأنا بصراحة ما أنسى لمن قدمتيلي الإستشارات النفسية الناجعة في فترة من الفترات

ولكن قولي الحمدلله ... الواحد مايعرف فين الخير اللي كاتبه له ربنا ...

بالفعل كانت أيام جميلة...

وبإذن الله نراكي قريبًا .. راح نجيكم دبي أنا وأم عمار في النصف الأخير من نوفمبر

ودمتي أختًا كبرى للجميع تحياتي

[ميـ مشاكل ـدو]

والله ثم والله ثم والله اني احترمك واعزك مثل اختي

والله لك وحشه يا هند ،،، بصراحه ولينغتون افتقدت غاليه مثلك

الله يسهل امورك و يوفقك دنيا وآخره يا بنت الامارات


وكيف احوالك واحوال اهلك ان شاء الله كلكم مرتاحين ومبسوطين

الله يعطيك الصحه والعافيه

أخوك الصغير ممدوح === ميـ مشاكل ـدو

[IBRAHIM]

اهلييييين نور المنتدى

كيفك؟ وكيف الاهل والدوام؟ يووووه خلاص مافيه Go Wellington الحين روحي الدوام بالمترو
.. خساره والله فقدنا وجودك هنا بيننا تشاركينا تجارب الغربه .. والحرب النفسية خخخخ .. على طاري الحرب النفسية ابشرك عديت الايلتس <مافي امل يعدي الاي بي بي

ايه صح هيثر دايم تسولف عنك .. تموت فيح الحرمه


اتمنى لك التوفيق.. وكل عام وانتي بخير <بدري

[حسّاس]

والله العظيم كلامك يبكيّ هند !!

للامانه كنت اقول للشباب نفسي اتعرف على هالبنت !!
احسها اختي
وفعلا كنتي اخت واكثر

وان فقدتي تواجدك معانا
فأحناالخسرانين لاننا فقدنا اخت عزيزة لنا من الامارات
كانت بمثابة الام الحنون للجميع

مانقول الا ان كان عندك فرصة او اجازة
وتجي تزورينا هنا

والا بنزعل عليك

<< وشفيه عصبّ ؟ توه مسوي اخلاق خخخخ



بس تدري انك ضحكتيني ؟
يوم قلتي مشتبه ياكافي خخخخخ ترى اسمه مجتبى

[اماراتي]

اختي هند
جميل أن يرحل الإنسان ويترك من خلفه ذكرى طيبه وذكرى عطره
فأنا لمست هذا الشئ من جميع الاخوان والأخوات
هذا ان دل دل على مكارم اخلاقك التي لم تخفى علي بحكم معرفتي فيكي

صحيح قد تكونين رحلتي عنهم جسدا لكن ثقي انتي مالزلتي موجوده روحا وا حساسا من بينهم


مع خالص تقديري واحترامي

[bsmt.amal]

اخوي ياسر ...

لمست فيك نعم الاخ العاقل الراكز اللي يعرف كيف يوزن الامور ويقدرها صح

الله يعطيك الف عااافيه تسلم على كل كلمة واتمنى اني اكون عند حسن ظنك وانا في خدمتك في أي وقت

وبخصوص جيتكم الامارات اول ما عرفت وانا مستاااانسه وقاعده اخطط شو بسوي لكم بس توصولون بالسلامه تنورونا والله :)
اتمنى تمر الايام بسرعه واحظى بشوفتكم :)

[bsmt.amal]

ميدووووووووووووو اخي الشقي ... الله يعطيك العافيه وييسر امورك

انا بخير واموري تمام ورجعت لشغلي ولمشاريعي وحالاتي ... هههههههه
الله المستعان

ادعيلي تتيسر امور دراستي في الامارات قريبا ان شاء الله

والله يوفقكم وييسر دراستك :)